banner

ആയിരക്കണക്കിന് കുരുന്നുകള്‍ അക്ഷരത്തിന്റെ വരപ്രസാദമണിയുന്ന ദിനമാണ് ഇന്ന്.

ആയിരക്കണക്കിന് കുരുന്നുകള്‍ അക്ഷരത്തിന്റെ വരപ്രസാദമണിയുന്ന ദിനമാണ് ഇന്ന്. പുത്തനുടുപ്പും കുടയുമായി, ചിതറിവീഴുന്ന മഴത്തുള്ളികളോട് കിന്നാരം പറഞ്ഞും അറിവിന്റെ അക്ഷയ ലോകത്തേക്കുളള പ്രയാണം ആരംഭിക്കുകയാണ്. മൂന്നരലക്ഷം കുട്ടികളാണ് ആദ്യാക്ഷരത്തിന്റെ അമൃത് നുണയുന്നത്. ഇതിനൊപ്പം പഠനത്തിന്റെ വഴികളിലേക്ക് ഇതര വിദ്യാലയങ്ങളും ഉണരുകയായി.

കോട്ടയത്തെ സംബന്ധിച്ചിടത്തോളം ഈ അധ്യയനവര്‍ഷത്തിന് തിളക്കമേറെയാണ്. നമ്മുടെ ജില്ലയിലേക്ക് ഒരു കേന്ദ്രീയ വിദ്യാലയം കൂടി കടന്നുവരുന്നു. ജില്ലയിലെ രണ്ടാമത്തെ കേന്ദ്രീയ വിദ്യാലയം വെള്ളൂരില്‍ ഈ വിദ്യാഭ്യാസ വര്‍ഷം തന്നെ തുടങ്ങുകയാണ്. അതിനുളള അനുമതി ലഭിച്ചുകഴിഞ്ഞു.

പുതിയ വിദ്യാലയവര്‍ഷം പിറക്കുന്ന ഈ സുദിനത്തില്‍ എല്ലാ കുഞ്ഞുങ്ങള്‍ക്കും, വിദ്യാര്‍ഥി സുഹൃത്തുക്കള്‍ക്കും, അവര്‍ക്ക് അക്ഷര ദീപം തെളിക്കുന്ന മാന്യ അധ്യാപകര്‍ക്കും എന്റെ ഹൃദയം നിറഞ്ഞ ആശംസകളും പ്രാര്‍ഥനകളും.

നന്മനിറഞ്ഞ വിദ്യാലയവര്‍ഷം ആശംസിച്ചുകൊണ്ട്.

ജോസ് കെ മാണി എംപി



About pratichaya